Bransjesamling – Bygg og Anlegg

For åttende gang har Ål utvikling gleden av å invitere til bransjesamling for bygg- og anleggsnæringa. Tradisjon tru blir samlinga arrangert på opningsdagen til Sundreball, som denne gongen blir torsdag 23. januar 2025.

Ål utvikling byr på eit spennande program som på kvar sin måte vil belyse det skrikande behovet for fagfolk i bygg og anleggsnæringa.

Program:

• Jan Ludvig Andreassen, sjefsøkonom i Eika: Noreg si nye æra med for mykje pengar og for få fagfolk.
• Panelsamtale: Kva kan næringa gjere for å behalde lærlingane? Leidd av Ola Stave med fleire lokale aktørar på scena.
• Thormod Hansen, Entreprenørforeningen – Bygg og Anlegg: Kva kan vi gjere for å rekruttere fleire til bygg og anlegg?
• Steinar Hermansen, lærlingansvarleg i Veidekke Infrastruktur: Slik jobbar Veidekke for å tiltrekkje og behalde lærlingar.

Det faglege programmet startar klokka 17:00 og varer til 19:00, før Sundreball opnar dørene. I fjor var teltet heilt fullt, så meld deg på i dag for å vere sikker på å få plass.

Pris: 690 kr per person for medlemmar av Ål Utvikling AS. Inkluderer kveldspass, lett mat, ei eining i baren + kaffi og kake. 800 kr per person for ikkje-medlemmar. Lærlingpris for de under 21 år: 295 kr.

Send påmelding til [email protected] med firmanamn og namn på deltakarar.